Cervantes eskola gizartearen isla bada. Mundu digitalean murgilduta dagoen gizartea osatzen dugu eta eskolak, honen partaidea den aldetik, erronka berriei aurre egiteko, gaurkotze prozesu etengabean, Sare Hezkuntza egitasmo propioa diseinatu du.
Ikaste eta Komunikazorako Teknologiek zabaltzen dizkiguten bide berriak jorratzen ditugu gure ikasleekin. Eta hau egin ahal izateko aipatutako Sare Hezkuntza egitasmoan irakasleon etengabeko formakuntza eta material berrien erosketak eta gaurkoketa (software eta hardwarea) programatu ditugu.
Alfabetizazio digitala, informazioaren kudeaketa eta zabaltze aplikazioak eta programak ezinbestekoak bihurtu dira umeentzat. Horren zerbitzuan arbel digitalak, ordenagailuak, interneterako sarbide egokiak, programa aproposak, … ohiko tresnak bihurtu dira gure hezkuntza praktikan.
Sare Hezkuntza egitasmoak esandakoa bermatzen du.
