Eskolak arlo honi bultzada bat emateko , gogoeta sakonaren ostean Zientzia Hezkuntza Proiektuan partaide izateko eskabidea aurkeztu genuen Hezkuntza Sailan. Deialdian onartuak izan ginen eta proiektua eskolara egokitu dugu.
Egitasmo honen helbru nagusiak honako hauek dira:
- Lehen Hezkuntzako irakasleei zientziak irakasteko eta oinarrizko konpetentziak garatzeko baliabide didaktikoak eta estrategiak eskaintzea, jarduera praktikoak burutuz.
- Curriculumaren edukiak era aktibo eta integratuan lantzeko proposamen zehatzak egitea, gomendatutako laborategi eta IKT baliabideak erabiliz.
- Zientziaren izaerari eta eskatzen dituen komunikazio aukerei buruzko hausnarketa egitea, ariketa praktikoak eginez.
Plan hau aurrera eramateko eskola hainbat tresnez ornitu dugu: mikroskopio digitalak, doitasun handiko balantzak, esperimetuak egiteko laborategiko materiala,…
Seguru gaude ikasleon prestakuntzan beste aurrerapauso bat emango dugula proiektu honi esker.
